O aceite de oliva Virxe Extra de Novoa Natura é un produto de primeirísima calidade, cargado de sabor, na que todo o proceso de elaboración se encamiña a obter un aceite de calidade Premium.

O AOVE de Novoa Natura elabórase a partir de aceitunas recollidas en Galicia das variedades arbequina (60%) e picual (40%). Tódalas súas oliveiras están en Galicia e iso marca a este aceite de San Mamede de Palmés, portador dun especial vencello entre o produto e a terra.

A recolleita faise a man e no mesmo día extráese o aceite, asegurando que mantén tódalas súas propiedades naturais.

O AOVE de Novoa Natura é un aceite con corpo, de sabor contundente. Con altos contidos en ácido oleico, o que lle confire unha excelente resistencia á oxidación.