O aceite de oliva virxe extra Olivo de Altos elabórase no Rosal, con aceitunas das variedades picual, arbequina e hojiblanca, recollidas das oliveiras que medran na viña de Altos de Torona (Tomiño).

A recolleita temperá da oliva cando ainda está verde e o prensado en frío aseguran a máxima calidade para este AOVE premium que é toda unha seña de identidade desta bodega, unha das máis importantes das Rías Baixas.

A producción de Olivo de Altos está limitada a uns poucos centos de botellas, polo que se trata dun artigo exclusivo, que poderás obter directamente na propia bodega.

Un aceite de oliva virxe extra fino e delicado, de carácter atlántico, que combina á perfección cos mellores produtos galegos.